Записнїк зоз XIX схадзки Вивершного одбору од 26. новембра 2009. року

[kiki]

З А П И С Н Ї К

    Зоз XIX схадзки Вивершного одбору хтора отримана 26. новембра 2009. року зоз початком на 19,00 годзин.
   Присутни: Мирослав М. Цирба, Юлиян Ковач, Зденко Лазор, Славко Цупер, Деян Бобаль.
   Тиж присутни: Иґор Надь ( предсидатель МО Бачинци ), Венямин Бульчик ( новинар ) и Мирон Джуджар ( предсидатель Скупштини ).
   Дњови шор:
1.   Розпатранє нарису нового Статута Дружтва
2.   Пририхтованє за позарядову схадзку Скупштини
3.   Рижне

1.   Розпатранє нарису нового Статута Дружтва

Мирослав М. Цирба – обгрунтовал нарис нового Статута Дружтва.
Саня Тиркайло – дума же таки одредзеня у нарису нєможлїви, односно нєреални, бо нє маме телїх людзох за таку орґанизацию.
Юлиян Ковач – дума же би требало дошлєбодзиц же би руководитель водзел вецей орґанизацийни часци.
Мирослав М. Цирба – обгрунтовал прецо важна менеджерска система у роботи.
Славко Цупер – потримує таки нарис Статута.
Венямин Бульчик – дума же нє треба меняц назву Дружтва, склада ше же би назва Дружтва була Михал Ковач, алє дума же би сам будинок требал остац под меном Дюра Киш.
Саня Тиркайло – процив є пременки назви Дружтва.
Славко Цупер – факт же пременка назви у нас помодарство, алє у нашим Дружтве уж 20 роки иснує идея же би ше пременєла назва Дружтва.
Мирослав М. Цирба – потримує пременку назви Дружтва до Михал Ковач, бо єдне културно-просвитне дружтво треба же би ношело мено просвитителя.
Саня Тиркайло – предклада же би зме застановели награду за литературу под назву ''Михал Ковач''. Предклада же би зме одредзели датум такого змаганя.

Вивершни одбор зоз 5 гласи ЗА прилапел предкладанє же би Дружтво на далєй затримало терашню назву, а 2 члени ше вияшнєли ЗА же би ше пременєла назва.

Славко Цупер – дума же озбильна ствар, же нє треба исц на прегласованє, треба дац длукши час же би ше добре роздумало коло назви, треба обвисциц фамелию Ковачових.
Мирослав М. Цирба – предклада же би ше у нарису зохабела алтернативна можлївосц коло називи и же би ше о тим и Скупштина вияшнєла.

Вивершни одбор зоз 2 гласи ЗА и 5 гласи ПРОЦИВ одбил предлог предсидателя же би ше у нарису Статута зохабели алтернативни предкладаня.

Славко Цупер – предклада же би ше у члену 1 нарису допольнєло зоз словами ''а делује у интересу русинске националне заједнице'', у члену 2 допольнїц зоз словами ''под називом русинско народно просветно друштво'', а у члену 6 сцерец карички.

Вивершни одбор єдногласно прилапел предлоґ Славка Цупера.

Мирослав М. Цирба – предклада же би у печацу стал герб Руснацох и же би ше у назви организацийних часцох сцерали їх назви, односно же би ше дошлєбодзело же би сами орґанизацийни часци одредзели свою назву, кед преценя же потребне.

Вивершни одбор єдногласно прилапел предлоґ Мирослава М. Цирби.

Мирон Джуджар – поставел питаня коло статусу членох, предклада же би ше питанє почесних членох ушорело зоз окремну одлуку.
Мирослав М. Цирба – обгрунтовал идею коло вецей чечуцих рахункох.
Юлиян Ковач – треба будз осторожни коло того, алє най останє як можлївосц.

Вивершни одбор єдногласно прилапел нарис Статуту зоз вименками зоз тей схадзки и у тим тексту ше нарис Статута доручи членом Скупштини на вияшньованє.

2.   Пририхтованє за позарядову схадзку Скупштини

Вивершни одбор єдногласно прилапел же схадзка Скупштини будзе на нєдзелю 13. децембра 2009. року зоз початком на 17,00 годзин зоз шлїдуюцим дньовим шором:
1.   Розпатранє и прилапйованє Одлуки о новим Статуту
2.   Виберанє предсидателя и членох Верификацийней комисиї
3.   Одредзованє датума виберанковей схадзки Скупштини
4.   Информация о уписованю до окремного виберанкового списку


Закончене на 21,00 годзин.