I схадзка Предсидательства од 25. януара 2010. року

[kiki]

З А П И С Н Ї К

Зоз I схадзки Предсидательства хтора отримана 25. януара 2010. року зоз початком на 19 годзин.

Присутни: Мирослав М. Цирба, Мирослав Папданко, Златко Манько.

Предсидатель константовал же иснує кворум за полноважне одлучованє, бо предсидателє подружнїцох нє вибрани спрам нового Статуту.

1.   Допис зоз АПР

Цирба обгрунтовал допис и потребу же би ше Статут вименєл на схадзки Скупштини хтора будзе 31. януара 2010. року. Тиж предложел же би ше побешедовало зоз подружнїцами. Предклада же би ше вименєло членство у Предсидательстве, же би були лєм предсидатель Дружтва, подпредсидатель Дружтва и предсидатель Скупштини и секретар Дружтва.

2.   консултация коло наступней роботи

Заключеня:
- Зволац схадзку Совиту Дружтва за штварток 28. януара 2010. року на 19 годзин
- Предкладаме Зденка Лазора за секретара Дружтва, хтори би робел 3 днї у тижню за надополнєнє од 5.000 динари
- Надпатраюци одбор на стреду 27. януара 2010. року зоз початком на 17 годзин – зволац схадзку
- По тераз остава на моци Одлука о ценох видаваня сали од 9. новембра 2009. року, кориґовац одлуку у часци хтора ше одноши на зогриванє же би место 20 литри нафти, гевтот хтори закупює салу палци 2.000 динари. Утаргує ше кауция од 100 еври. Розпатриц нарис контракту о закупу просторийох за видаванє
- Пописац инвентар хтори ше одноши на видаванє сали.
- Вицагнус ище єден телефонски утикач. То зроби Борис надь. Рефундирац трошки.
- Танєри и друге зоз кухнї буду у просториї дзе була канцелария за секретара.
- Секретар будзе шедзиц у терашнїм клубу
- Потвердзує ше виява о учленованю хтору прилапел Вивершни одбор.
- Бешедоване о членскей карти и заключене же би подобови клуб дал даяке ришенє за символ Дружтва.

Дньови шор Совиту Дружтва:
1)   План роботи орґанизацийних часцох Дружтва
2)   Розпатранє предлогу за вименку Статута
3)   Утвердзованє виносу членарини за 2010. рок
4)   Вибор секретара Дружтва

Дньови шор Скупштини:
1)   Предкладанє за вименку Статута
2)   Розпатранє и прилапйованє финансийного звиту за 2009. рок
3)   Розпатранє и прилапйованє звиту о роботи Дружтва за 2009. рок
4)   Розпатранє и прилапйованє звиту о роботи Дружтва и ВО-у за период 2008. – 2010. рок
5)   Вибор руководителя Фестивала

- Златко Манько же би дал предклад намени просторийох у Дружтве.
- Вера Трифунович будзе отримовац просториї Дружтва, а раз мешачно будзе ґенералне пораєнє просторийох у форми роботней акциї.
- Предсидатель Скупштини розпатри можлївосц кеди будзе зволана конститутивна схадзка Одбору за културно-просвитну дїялносц.
- Авта за Бачинци: Цирба, Папданко, до 5.000 трошки за Бачинци
- поробиц палкати и поволанки – обвисценя за монодраму
- Бешедоване коло просторийох МО Бачинци, бешедоване зоз паноцом Режаком и Церковним одбором у Бачинцох.

Закончене на 21 годзин.

Записнїк водзел Мирослав М. Цирба